بسم الله الرحمن الرحيم
اهلاً وسهلاً بزوار منتدى شلون انساك، اسعد الله اوقاتكم بكل خير
قمنا يوم امس بأجراء اتصالاتنا الهاتفية مع معظم لاعبي منتخبنا الوطني وقمنا بطرح
بعض الاسئلة عليهم لمعرفت ماهي استعداداتهم للقاء القادم يوم الاحد امام الكنغر الاسترالي.
/ / /
اللقاء الاول مع السفاح "يونس محمود"
بالبداية نرحب بيك كابتن يونس في منتدانا!
يونس محموداهلاً وسهلاً بيكم.
شلون انساك كابتن ماهي استعدادات المنتخب الوطني للقاء المرتقب يوم الاحد امام الكنغر الاسترالي ؟
شلون انساكاستعدينا بالشكل الجيد لهذي المباراة واحنه رايحين نلعب وطموحنا الفوز والنقاط الثلاثة
وان شاء الله نحقق اللي نريده ونسعد الشعب العراقي ونهديه الفوز.
شلون انساك في مباراة الصين لم توفق باللعب لأنك اصبت في الدقائق الاولى وخرجت مصاباً
وفي مباراة قطر لم توفق بتسجيل الاهداف ، هل سوف نشاهد هدف من اهداف السفاح يهز مرمى
المنتخب الاسترالي يوم الاحد ؟
يونس محمودهذا شي بيد الله سبحانه وتعالى واني اتمنى اني اوفق واسجل بهذي المباراة
واذا مسجلت الخير والبركة بللاعبين والاهم اننا ننهي المباراة فايزين ومحققين نتيجة مريضة.
شلون انساك المنتخب يسعى لتحقيق الفوز التعادل او الخسارة ميرضي طموح العراقيين ؟
يونس محمودوهذا اللي نريد نحققه الفوز ومنريد شي غير الفوز وان شاء الله نحقق مرادنا.
شلون انساككلمة توجهها الى زوار منتدى شلون انساك وكل العراقيين !
يونس محمودادعولنا بالتوفيق دائماً وان شاء الله نهديكم الفوز يوم الاحد.
شلون انساك شكراً لك كابتن يونس !
يونس محمودعفواً اهلاً بيكم.
/ / /
اللقاء الثاني مع مهندس خط الوسط "نشأت اكرم"
شلون انساكبالبداية نرحب بيك كابتن نشآت في منتدانا!
نشآت اكرماهلاً وسهلاً بيكم عيوني.
شلون انساكنشآت المنتخب يملك نقطة فقط من مباراتين هل هذا هو طموح المنتخب حتى الأن ؟
نشآت اكرمبالطبع هذا مو طموحنا واحنه نسعى لتحقيق شي مرضي يسعد الشعب العراقي بأكمله
ويمكن ظروف اول مباراتين مساعدتنا ومرينا بظروف بس ان شاء الله نعوض والمباريات
القادمة منفرط بالنقاط ونحقق نتائج جيدة ومرضية.
شلون انساكلم تلعب في مباراة قطر الماضية بسبب الايقاف هل سوف نشاهدك في مباراة استراليا مبدع كالعادة ؟
نشآت اكرمصحيح ملعبت امام قطر بسبب الايقاف اللي حصلت عليه بلعبة الصين
وقرار لعبي في مباراة استراليا يوم الاحد يعود للمدرب
وان شاء الله اقدم كل ما أملك داخل الملعب لتحقيق الفوز
وبالنهاية احنه طموحنا واحد هو الفوز واسعاد الشعب العراقي.
شلون انساكمستعدين بالشكل المطلوب لهذه المباراة ؟
نشآت اكرمالحمد لله الاستعدادات جيدة والتفاؤل موجود عند اللاعبين وان شاء الله
نبذل جهدنا ونسعى للفوز وتعديل مركزنا بهذه المجموعة.
شلون انساككلمة توجهها الى زوار منتدى شلون انساك وكل العراقيين !
نشآت اكرمنشكركم على متابعتكم الدائماً النا وان شاء الله نفرحكم ونسعدكم.
/ / /
اللقاء الثالث مع الغزال الآسمر "قصي منير"
شلون انساكبالبداية نرحب بيك كابتن قصي في منتدانا!
قصي منيراهلاً وسهلاً بيكم.
شلون انساكقصي المنتخب قابل على مواجهة قوية امام المنتخب الاسترالي حدثني عن هذه المباراة ؟
قصي منيربلا شك هذي المباراة قوية ومفترق طرق طبعا خسارتنا او تعادلنا لا سامح الله
رح يسبب آزمة وصعوبة بالتأهل خاصة وان المنتخبات الثانية اللي بنفس مجموعتنا
مرح ينتظرونا اكيد كل منتخي يسعى انه يحقق الفوز حتى يتقدم ويحصل على مركز
جيد بالمجموعة يساعده على التأهل واحنه نفس الشي طموحنا ان نحقق الفوز بهذي المباراة حتى
نعدل من وضعنا الحالي بالمجموعة وان شاء الله منفرط بأي نقطة قادمة خلال
مشوارنا بهذي التصفيات ونأمل ان نحقق نتيجة ايجابية امام استراليا.
شلون انساكمن قبل فعلتوها وحققتوا الفوز في اثينا 1-0 وثم في بطولة اسيا 3-1 على الكنغر الاسترالي
هل سوف تفعلوها للمرة الثالثة ياسود الرافدين ، ام الثالثة ثابته والمنتخب الاسترالي سوف
يمنع منتخبنا من تحقيق الفوز ويخطف النقاط بهذه المباراة المصيرية ؟
قصي منيرطبعا احنه نسعي والباقي على رب العالمين صحيح حققنا نتائج ايجابيه وجيدة
امام المنتخب الاسترالي لكن مرح ننخدع بهذي النتائج ونتساهل بالمباراة القادمة
الكل يعلم ان المنتخب الاسترالي منتخب قوي ويملك لاعبين على مستوى عالي واحنه رح ندخل هذي
المباراة بتركيز وايد وحدة وان شاء الله نحقق الفوز الثالث على التوالي
ونمنع استراليا من تحقيق نتيجة ايجابية على حسابنا.
شلون انساككلمة توجهها الى زوار منتدى شلون انساك وكل العراقيين !
قصي منيرشكراً الكم على هذا المجهود وان شاء الله نفرحكم خلال الايام الجاية.
/ / /
كل الشكر والتقديرل(علي تكنو) على تسهيل المهمة والاتصالات مع اللاعبين.تحياتي ومحبتي للجميع
اخوكم
الرئيسية 
أحدث الصور 
التسجيل 
دخول 
موضوع: لقاءات حصرية مع لاعبي المنتخب الوطني ، فقط على منتدى شلون انساك!! 
السبت 19 سبتمبر 2009, 11:35 pm
رساله sms
