سطور متفرقه

موضوع: سطور متفرقه الأربعاء 12 أغسطس 2009, 9:26 am

يعلمني زماني دروس وانسى
وعلى حالي بجه جن الكون وانسه
انه الجنت للخلان ونسه
صرت مكروه محد يمر بيه

شكثر بجفاك ون كلبي وهملك
وعقلي غفل فاركني وهملك
شتظن انساك يالغالي واهملك
وانت بشرياني دم يدور بيه

اظن روحك نسب يوسف نسبها
والدنيا بغير شوفتك نسبها
الوادم ميه بالميه نسبها
بس انت محبتك سبعميه

العطش مرسوم بعيوني وشفتي .....
وشكول اعلى العشك وهله وشفتي ....
اضن للدار زرتيني وشفتي ...
الكل اهل العشك داري زهيه

ابتليت انه بكلب ظالم وهاجر ...
ومثل بلوة النبي ابساره وهاجر ....
وين انطي الوجه كلي وهاجر ....
وانه حتى البجي يبجي عليه

تدري بكلبي عليل و نفسي خضره
حبيت ام شعر الذهب و عيون خضره
بعتلهه الكلب باعتلي خضره
كرفس و رشاد كل اربعه بميه

اتعارك ياحلو لجلك وطك طك---
للحساد اذب حرمل وطك طك---
افرح من تراسلني وطك طك ---
وطك اصبعتين من تنشد عليه

للامانة منقول

موضوع: رد: سطور متفرقه الجمعة 14 أغسطس 2009, 2:14 am

تشب بضلوع صدري يامناره
وليمته انطره يومناره
الك ثارات قبة يو مناره
لو باجي المصايب ياشفية؟

وحك من كون الاكوان وابسط
انه اسهل من نسيم الروح وابسط
جنت املك مخدة صوف وابساط
الاجوني فرهدو ذني من اديه

بعدك كمت اسوي اللوح ويبات
ولا اخلي دليلي يهين ويبات
الحزن وياي طول الليل ويبات
بفراشي ويسولفلي عليه

بنص گلبي لگعد حُبك وبيته ........ أخلي
وبمرض فرگاك گَلبي وبيته ......... مرضته
گلبي يعتبرك موطنه وناسه وبيته ........ البيت
والي يظل بلا وطن كل عمره أذيه

رخه گلبك عليه وراها ....... راهي
وأنه الميت لو ألـﭽـح عيونك وراها .... أشوفهه
روحك وين ماتروح روحي وراها ....... خلفها
حس بيه يكفي صدك عليه

موضوع: رد: سطور متفرقه الجمعة 14 أغسطس 2009, 2:16 am

أحلى مابيك ومن صفاتك وصلك

أروح وياك للشمس لو تريد أوصلك

ولو تصير بأخر العالم على رموشي زحف أوصللك

ميت وبشوفتك ترد الروح بيه .......