مجروح الحب

مراقب قسم عدد المساهمات : 125

عليك المات ولحي سائل انة صلب لاكن الربعي سائل انة وكفت اباب بيتك سائل انة اذا ماتطي ليش اتكص ادية

يلوم المادره بروحي شمرها

مايدري الدهر عن ودهم شمرها

ليالي افراكَهم والله شمرها
أمر من المنازع بالمنيه

يتاج الفرح ولفي توجاني
وحسن ردلي شبابي توجاني
من اثمار المحبة توجاني
كلبي شبع ضيم من الاذية

نشف دمعك واني دموعي ثرية
رغم عسري نفسي تضل ثرية
بضلام اليل اوجن لك ثرية
لان كبلك بلا رحمة ثرية

احبك مأحب على الارض سواك
سبحان الذي من طين سواك
بشر لكنة ويال الكمر سواك
واحد فوق واحد بين ايدية

انت الشمس وانت البدر منهل
وشفافك طعم العســل منهل
كلبي بس إلك ياتــرف منهل
الورد من تمر ياخـذ لك تحيه

انت الشمس وانت البدر منهل
وشفافك طعم العسل منهل
كلبي بس الك يترف منهل
الورد من تمر ياخذ لك تحية

موضوع: رد: مجروح الحب الأحد 06 سبتمبر 2009, 12:37 pm

أحبابي اشلـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وكل مسيه

موضوع: رد: مجروح الحب الأحد 27 سبتمبر 2009, 12:49 pm

وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وكركم
يعيد الله شتتكم جمع ليه

زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه

حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه

مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه

ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه

سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه

وحم الالف واللامين والها
روحي بهوى ساهي العين ولها
لها ثغر وجبين وعين والها
خذ شبه البدر لو سطع ضيه

من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه

حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه

وحك آية عصا موسى وسينا
الك حثت رجايبنه وسينا
الك حسن النبي يوسف وسينا
الي والنور الك والنار اليه

يحادي روعت قلبي بلحداي
يخايب لفني وياهم بلحداي
اون طول الدهر حتى بلحدي
على الساروا وخلوني شجيه

كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه

حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه

روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي محيط بيه

موضوع: رد: مجروح الحب الأحد 27 سبتمبر 2009, 12:53 pm

ابوذيات عن الحب

عرفت اشلون اد گ الصبر والهم
وانا قلبي انفطـــم عالظيم والهم
يـــوج قلبي على الطيبين والهم
يشــب وينطفي صبــــح ومسيه ***

العقل بأمر الصديق ارجوك حكمه
وبدال النكتة خلي ايكون حكمة
اليغدر صاحبة مو مهم حكمه
المهم شلون نتلافة القضية

حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه

كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه

أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه

عاشت الايادي حياتي ابو ذيات كفائة وربي

عضو لامع عدد المساهمات : 447

احبابي عاشت الايادي ابو ذيات روعة