ماكلك كرهت بس كدرت انساك

شفت من العيون اشكال والوان
وشفت من الحسن سيف ابيمينك

لجن حسنك جذب شافنه العيون
ولاعين الشفت تشبه العينك

من اوزن جمالك ويه هالناس
فرق بين البشر واضح وبينك

لان ربنه خلق هالناس من طين
بس فرق الورد مخبوط من طينك

الحسن مو بل معاني العند الانسان
الحسن ملح وترافه وذني ادينك

الوادم ترش الملح عالزاد
وانته جفوفك اتملح عجينك

ما جذب وكلك واقع الحال
من جدمك ملح حد الجبينك

احلفك بل مسيح المات مصلوب
اذا نصراني كلبي يريد زينك

واذا مسلم احلفك بالله
علي تسأل يغالي اتكول وينك

واذا باقي الطوائف تعرف الله
احلفك بل ألالاه الخلق دينك

تحن انته عليه يا بعد العيون
ويضل حبي حبيبي ابشراينك


ارجوا ان تنال اعجابكم


تحياتيـ