يا قلب جيتك

يا قلب جيتك

--------------------------------------------------------------------------------





ياقلب جيتك وافهم العلم ياقلب ...
اللي تحبه يموت في حب غيرك ...



كم قلت لك ياقلب خله على جنب ..
يمكن مسيره مايتفق مع مسيرك ..


الدرب واضح بس لا تجهل الدرب ..
اللي يحبك دايم يستشيـــــــــــرك ..


ما هو مثل صاحبك عايش بكذب ..
وان ما كذب يموت الله يجيرك ..


تبي الصراحه مالك ومال هالقرب ..
ما هو كفو شرواه يصبح عشيرك ..


لا تحسب السالفه كلها لعب ..
أصحى معي من شان يصحى ضميرك ..


اللي تحبه صعبه شوي ينحب ...
قله يروح وكثر الله خيرك ...


تدري وش اللي يذبح القلب ياقلب ...
انك تحب انسان يحب غيرك ..