حوار بين حبيب وحبيبة جميل جدا ( الجزء الثاني )

مراقب قسم عدد المساهمات : 125

هو /

تعبان من الوكت ..
وتعبان من روحي ..
والصخر يبچي ويون ..
لو يحمل اجروحي ..
تعبان گلبي خلص ..
وماضل بعد بالعمر .. بس ونتي .. ونوحي ..
عوفيني دربي صعب ..
خايف يجيسچ تعب .. عوفيني وروحي ..

هي /
شتريد اعوفك تظن ..
اگدر على غيابك .. ؟
مو روحي شجرة صبر ..
وانزرعت ابابك ..
انظر كواني القهر ..
صبرت گوه الگلب ..
يتحمل اصوابك ..
مية الف موته متت ..
لاتعتب اعلهالگلب ..
دمرني اعتابك ..

هو /

خليني وحدي احترگ ..
وخل ناري بيَّ تشب ..
وبظيمي اريد ابتلي ..
ولوحدي امشي الدرب ..
مالچ ذنب بالجره ..
يم وكتي كل الذنب ..
هو الاخذ فرحتي ..
وبناره چوه الگلب ..
نادم انا اعله الوكت ..
ونادم على اللي صار ..
اشوازاني وآنه ابنفط ..
واتگربت للنار ..
ومحتار أنا ابدنيتي ..
أو وياچ هم محتار ..
واشجابرچ عالقهر ..
بيَّ آنه وكتي اندار ..
عوفيني اريح الچ ..
وخلي المضى تذكار ..

هي /

اشلون اعوف المضى ..
وياهو الينسيني ..
ولا آنه ارضى البعد ..
ولا روحي تنطيني ..
جيب اشمعندك صبر ..
بلكت يسليني ..
وهاك اخذ كل دمعي الك ..
هو اشبقى بعيني ..
وسفه اعله ذاك التعب ..
ما ترجع اسنيني ..
حسبالي توفي صدگ ..
وبحب توافيني ..
أشمدريني بعد الوفه ..
ابهجرك تجازيني